LIGS (lambaga industri gata sabah) asik mengutang duit urang2 kg yg memutung gata, bikin malu sj...... mo beminggu2 baru bayar...... ari ni sia basa di srtkbr, alasan diurang kunun itu komponi sana singapore lambat mambayar..... yg lusu, indada duit ka diurang dlm simpanan? lgpun kalou komponi lambat mambayar, itu urusan ligs, kanapa mo kasi libat urg2 kg pula......

haraga gata yg tinggi sikarang ni pun bukan sdh lama, mangkali baru taun ini mahal lebi rm5 sekilu..... salama ini (dr dulu) lebih2 sikit rm2 sekilu...... padahal masa tu sana sarawak & samananjung, gata mahal sdh lebi rm6 sekilu.... mangkali lebi rm10..... tampat jual nt sana luar nagara sama sj, barmakna ligs sdh untung talampau banyak salama ini pasal beli dr urang kg murah butul, tp jual pd haraga pasaran dunia..... jd, mana sdh tu duit2 tu? bukan sikijap tp puluhan taun..... kanapa masi mengutang duit sama urang2 kg?

saya inda bui jawap ini tuan pukutarap..

saya mau jual gata suda ini hujung bulan..tapi ada duit kah LIGS itu ah? tp mungkin dia utang sama penanam bekolompok sj bah mangkali..

sia masi inda nampak sabap kanapa ligs mengutang...... diurang bilang komponi sana singapore lambat mambayar, butul2 inda masuk akal..... jd kalou itu komponi lansung inda mambayar, lapas tu ligs bawa pigi makamah, urang2 kg pun kana tunggu kaputusan makamah ka? palui.......

Kesian urang-urang kita ini tuan....mungkin ada sasau disebalik kolomin baini.....

mimang ada sasau tu gaman..... silaka butul ni ligs..... karajaan negeri pun diam2 sj.....

hahahaaa... betullah... di mana2 kg semua org merungut... alasan terbaru, kurang peruntukan drpd kerajaan negeri... ligs kerajaan sabah punyakah? tiada duit??????

alasan inda munasabah.. LIGS bukan karajaan negeri punya. jgn2 haraga gata ini dikasi turun sampai rm2 sekilu..

mimang ada mainan diurang sana balakang tu..... silaka butul tu pagawai2..... sia tingu itu draiber2 sana ligs pun miwah2, kerita2 basar, mmg ada kapsit diurang tu kapingan2 gata tu.....

draiber ligs mimang pandai cari makan tu.. yg paling org syaki ialah timbangan...

timbangan kalou sana ligs mangkali ok..... dingar kabar, diurang main yg sana susut barat..... kadang2 time diurang pigi beli gata urang kg, ada peruntukan susut bepulu2 kg, tp nt diurang satit atas karatas kasi banyak2 susut..... bayangkan kalou diurang 'dpt' 20kg tambahan susut drpd yg sabanar, bukan sdh rm100 kah? nah, bisuk buat lg..... bisuk lg, buat lg..... kalou sebulan? aduinaaa...... lumayan ooh.....

Kompom karaja musang bejangut juga baini tuan.....kesian bah urang-urang kita.....

indatau kanapa sia masi inda buli terima ini ligs mengutang.......

tadi kami jual gata sama touki ..rm5.90 sekilu.. dia inda utang pun..

touki mmg inda utang..... ligs pun inda mengutang..... tp kadang2 mengutang, pandai abis pula duit diurang...... time mengutang ni yg bikin garam..... kadang2 time kemunsak di mana ramai urg kg manjual gata, mangkali time ada parayaan, time inilah diurang mengutang, sampai urg kg indada duit balanja time parayaan.....

nda ada ka action menteri pemutanaman om ponginsadaan sama ini kes tuan...makan duit raayat tu menteri owh....