sia tepikir2...... sia tingu ini pakatan rayat mmg inda buli sampur...... diurang ni masam air + minyak bah..... tau kanapa? pasal itu pas kunun butul2 mo kasi tagak ini malasia sabagai nagara islam...... dan juga ukum2 islam..... tp dap pula barabis inda satuju & manantang..... tinggal pkr di tanga2 terkuntang-kanting inda tau apa mo buat..... pasal itulah palan2 ini pr anyut & ansur...... ini pkr pula masam kanampakan family business sj..... sana si anuar, wan ajijah..... dua2 mo jd katua...... banyak inda satuju sama pulisi pr..... satu2 kerual dr parti..... jd sia tingu ini pr inda akan sampai ka mana..... dulu mmg manang 5 negerilah dlm pru12..... tp tingu ah pru13, mangkali yg tinggal kalantan & pulau pinang sj..... inda lama lg pru13 tu.....

pulitik survival punya pasal mimang buli bakarjasama juga diurang itu utk mau manang pilihanraya saja lah ... pas & dap akan tulak tepi dulu itu perbijaan ideologi.. sudah jadi karajaan (kalau ditakdirkan pr manang) baru buat rundingan demi rundingan.. Tapi saya pikir kedua-duanya tidak akan melaksanakan apa yg disebut-sebut..pasal apa? pasal masing2 buli buat ugutan. misalnya kalau pas tatap jalankan pemerintahan cara islam 100% ..nt dap ugut mau keluar pakatan maka tersungkurlah pr dan pas sendiri gigit jari. begitu juga sabaliknya.

betul... utk politik survival mmg mereka boleh janji apa sj... cuma utk pertahankannya mmg sukar... nt sedikit demi sedikit pekung di dada terbuka... kecacatan akan kelihatan di mana2... percanggahan percakapan kerap berlaku... masa itu parti pembangkang (bn) akan sentiasa peka utk 'menangkap' kecacatan2 atau percanggahan ini utk dijadikan modal berpolitik... tp pd pendpt saya, pr akan mendpt pukulan KO pru13 nt...

x bulih besampur itu PAS, PKR & DAP...x bulih, pasal dalam kepala diurang masing2 mau jadi hero.....masam mana kalau begitu....diurang tau mau kasi jatuh BN tapi x tau masam mana mau kasi maju...tingu saja di salangor, bnyk masalah skrg...DAP di pulau pinang pn bnyk kasi timbul masalah...yg di perak itu apa arrr PAS ka PKR?? neketudu ne kopio mirikau hiri kerusi om kagantiai di kagu ti BN....hmmmm.....kehooiii!!!

itulah, mmg inda buli basampur..... ideologi balainan bah...... sikarang masam kunun buli bagabung pasal niat mo kasi tumbang bn...... antah2 sana balakang tandas diurang betumbuk inda kanampakan......

bukan lagi betumbuk itu tuan...besusuk sdh matu di belakang tandas...

tapi saya bilang diurang buli bagabung bah..kamurang pikir bn tu mimang 100% satu kapala ka? inda itu..diurang pun ada ideologi masing2 tp demi survival parti masing2 terpaksa ambil jalan tangah. begitu juga pakatan rakyat..suda tentu diurang pilih jalan tangah tu...

dlm politik, yg mustahil pun boleh berlaku... hari ini parti A, besok selepas 24 jam sdh masuk parti B... mcm pairin dulu, pbs yg menang, tp tdk boleh pula angkat sumpah jd KM...

ya..pulitik very unsangkaable...

pulitik baitu..... siapa2 inda pandai melilit dan mamatuk masam ular, inda buli masuk pulitik......