mau tanya sama2 siapa2 yang ada pengalaman pasal benda ni..

keteguran ni mungkin tiada bah, cuma perubahan suhu badan secara tiba2, atau otak tdk mendpt oksigen secukupnya, terus kita rasa mau pitam & berpeluh2... sya ada beberapa kali mengalami hal ini tp saya tdk anggap ia ada kaitan dgn 'sesuatu' yg menegur kita...

iya... tp ada butul jg tu keteguran tu... sia parsaya ada tu roh jaat yg salalu mau kasi sakit2 kita... sia inda buhung ini tau... sy parsaya juga kalou pasal sains ni... sy kan urang uspital zuga ni... sia ni M.A..

buli tahan kaoni gamannokuro..... mangkali jugalah..... taulah sini dunia kita ni, mimang bukan kita2 sj yg tinggal..... sia parna juga yg bapalu2 masam mau pitam, nampak pusat lg, tp inda pula sia tepikir pasal ni kataguran.....

sa dulu pernah rasa baini keteguran itu pasal sia mau tanya pendapat kamurang hehe

apa ubat bagus kalau masuk angin??ada sebarang tips ubat2 tradisional orang kita yang buli kamu rekemen ka?

guna minyak sap kapak sj buli sdh tu.....

Kataguran itu mimang butul juga bah..tiada ubat untuk panyakit begitu..paling2 sambayang ikut agama masing2...tapi itu ruh halus yang bikin kasi sakit tidak semestinya takut sama doa2 kita. Dia akan lari sendiri kalau dia sudah puas merasuk urg itu.

Itu ari ada rumbungan kristian pigi piknik (bekemah) di taliwas lahad datu. itu tampat urg kg sana bilang 'panas'. sikalinya lebih 10 urang parampuan karasukan makluk halus. diurang inda sakit lah tapi histeria..parampuan2pun jadi kuat..hahaha... Pastor panggil urg ramai2 kasi sambayang saja. Bagus juga baitu ruh halus..bukan jenis yang karas kapala.. inda lama juga diurang pun kaluar dari badan org2 yang kana rasuk.

Itu ruh halus bukan sarantak manyarang..ada yang kana rasuk di tampat perkemahan, ada yang kana rasuk dlm parjalanan pulang, ada yang kana rasuk salapas sampai rumah. Jadi mimang butul laitu "Kataguran" ..cuma mungkin jenis nya berlainan.. ada yang jadi sakit2 inda tantu apa panyakit, ada jg yang jd mcm gila2...

itu kerasukan... kalau keteguran tu, mungkin yg tiba2 kita rasa panas + sejuk spt mau pitam... berpeluh2... tp tdk lama...

ya tapi bukan sama2 berpunsa dari ruh2 kaitu simbabalad? Ada ipar saya yang kana panyakit begitu..tp duktur inda dapat kasan panyakit dia.. tiap kali tiba waktu malam kira2 jam 7 begitu dia mulai kasajukan.. bisuknya baik sudah tapi nt mlm balik lagi... Org bilang kana buatan urang la.. kataguran la.. entah lah..