ini sarita bagus ni,macam dakat ckit ini jalan barbanding dari paitan,pusing simpang nangoh lepas itu pegi ranau atau pegi kb ke ranau.bukan juga ada prasangka,barita bagus bogini siapa tidak naik siok.urang km sinang-siiinang pg ranau atau sabaliknya.cuma....,topikir saya...barapa banyak karajaan kasi balanja itu jalan ah?kontraktor mana?tender halal atau tender bawah meja?taim bogini,banyak suda pagawai jkr tidak sanang duduk..yalah,mau jaga itu jalan,mau sari kontraktor dan biasalah..mau dapat purujik basar bogitu mana tiada cagaran ciiikit!sikai-sikai pun bulih kasi depusit navara kali.
.....TAPI,apa kata kalau jalan itu satakat macam jalan km-kb tapi kos berjuta juta?ringgit tau,bukan rupiah!rupanya,perjalanan berjuta-juta itu dipendekkan bermula dengan datuk ini,lapas itu tuan basar itu,lapas itu pegawai sana sini,lapas itu urang tangah runding sama itu kontraktor,lapas itu kontraktor gigit lagi 'parak' berjuta-juta itu...last-last,jalan yang kita harap licin macam kulit sumandak jadi berjuta-juta ganda kasar berbanding kulit buaya.tidak parsaya,lawat-lawatlah kota marudu sakali-sakala ikut jalan dari kota belud.itulah suntuh purujik jalan manalan balanja berjuta ringgit,jambatan di mantanau pun kayu di beruti dari pokok sapuda.nak kata tipu?saya lalu jalan ini sajak 2006 lagi dan sakarang samakin karap,dua kali sahari kasuali 'off day'!
Jadi,kalau purujik ini barjalan lansar,bulihlah kita test pandu,tapi berhemahlah..bukan macam korita-korita kementirian kesihatan,rata-rata samua pandu laju.mantang-mantang mentenan korita karajaan tanggung.

itu jalan misti mau buat baitu..... 3 bulan dulu sdh sia limpas itu simpangan, bagus kalou sdh siap tu, indalah paya mau turun tamparuli lg mau pusing..... jauh baitu..... bagus ka inda, yg penting itu jalan ada.....