best friend.

Arap2 kami tdk ketemu di porum ini bilang indon...sia juga arap dia tidak penasaran lagi karena tidak ada yang bisa dibikin lagi...masa waktu bisa diputerrr..

yalah, arap2lah, masa enggak bisa diputerrrr...... harap dia happy n gumbira sikarang ini..... sdh tantu ramai anak sdh..... dan kaopun hepi jugakan rungkud, baguslah.....

ada juga bah juduh itu lama-lama.saya pun apa kurangnya,bulum ada juduh.dulu ada hati suda mau barkawin tapi apa bulih buat,hantaran tarlalu tinggi,rejek sajalah niat.bagus kalau haraga porompuan sakarang ini ada diskaun sikit.malang juga sabab saya tingu trend porompuan sakarang yang mau mansari taman hidup,mositi lalaki yang pandai barkata-kata,walaupun dia tau itu lalaki ada baaaanyak bini.kodua,banyak duit,kotiga,ada korita...kaampat..kolima...sabab itu,kalau kita dapat saturang best pren dari jantina yang barlawanan dengan kita,masam dialah yang sompurna karana tidak mominta lobih dari yang kita bulih bagi...kalau kita jatuh sinta dengan best pren kan bagus!

sampaikan pesanan mu ni meck pd yg lain...jatuhkanlah sinta itu ngam-ngam sama best pren jantina brlawanan...

Ttg trend pompuan skrg lbh suka yg pandai brkata2@ayat power...massam kurang rasional lah yg ini...buli ka kata2 itu membawa kesejahteraan dlm rmhtgga?? Tak heran kalu ramai yg jd mangsa kasanova haprakkk.

yg sia tingu, parampuan sikarang mo yg banyak duit sj, sabap tu tokeh2 tua diurang sapu sj, diurang terima sj, yg penting lapas kawin buli drive kerita mahal sdh, hihihihiiii..... itu yg sia biasa tingu di kampung2...... kempunan itu muda2 tagap kuat angkat karung padi di kg2......

Jadi itu rumandawi untuk rumunduit la arr..bkn utk yg tagap pendek punya?? he he...

rumunduit, hihihiiiiii..... inda kisah tua2 lambik, yg penting duitttttttt!!!!!!!!!.....

bgtulah ba itu puku...diurang suka itu sugardaddy sabab banyak duit...kalu sudah balu...kta sapulah pulak..jd dpt jg kta duit diurang...ha..ha..aii..tdk maulah..

hihihihihiiiii indalah sia mau labian urang tua, hihihihiiiiii...... nt kana ijik2 kita kawan2......

di kg-kg saya nampak ramai perempuan kita yg kahwin dgn taukeh cina yg tua, memang saham mereka terus naiklah lepas kawin cina, sebelum tu perempuan biasa sj. Kadang-kadang saya merasa malu pula kerana seolah-olah perempuan kita mudah dimiliki, ada duit terus dapat.

Ba poingkuro ti tompinai nung miagal diti..inggaa noh koposion di otulen..ayamut noh kanto..suba nasihat2lah terutama keluarga terdekat kita.

sia tingu masam trend sdh tu di kampung2, kana2 lg parampuan2 kita yg inda barapa bagus sikul, nah inilah paluang yg diurang inda mo lapas..... kalou ada sj, turus diurang on sj.....

Soalnya ialah duit, bukan semesti sina sbnarnya, org apapun diurg tdk pilih, asal ada duit. Sia ada juga test power di kg, masam + respond jg tp, kta nikan role model..

bukan pasal duit saja bah,suba pikir...pilak yang tiada ic pun dapat kawin porsuma sama urang kita.jadi,porompuan kita ini masam ada panyakit juga tau,diurang mau diurang takawin sama bansa lain,mau lari dari kobiasaan.saya tingu porompuan-porompuan kita di samananjung,jarang darpada diurang yang mau berboipren sama urang sabah,urang kita.diurang sanggup gadai badan sasara porsuma daripada dikawini urang kita.tidak sanggup saya ada best pren masam itu...

Yg kta laki2 ni mati-matian prtahan bahasa lah, budayalah, hak dan lain2..c perempuan pula mau lari dari identiti dan entiti bangsa kah?...hooooiii sumandak2, pikirlah secara positif..

yakan, masam parampuan pula yg kasi rusak ransangan patriotik kita..... kita barabis mo kawin diurang, sambil ada hati mo sakap bahasa momogun sama anak2, diurang pula pigi kawin pilaklah, omlah, sinalah, itulah, inilah, urang putilah..... susa ini begini, lama2 kampunan kita.....

Sumandak2 pun ramai mnuggu...menari2 lenggang sumuyau...aduddui melepak kulitnya....tapi sayang bukan utk kta, tp utk c om, pilak, sian dan masam...masamana ini pukutarap? porolu ada panduan ka ini?

hihihihihihiiii.... mungkin perlu buat kod etika pasal mo kawin2 ni utk parampuan2 kita, hihihihiiii.....

pukutarap wrote:

yakan, masam parampuan pula yg kasi rusak ransangan patriotik kita..... kita barabis mo kawin diurang, sambil ada hati mo sakap bahasa momogun sama anak2, diurang pula pigi kawin pilaklah, omlah, sinalah, itulah, inilah, urang putilah..... susa ini begini, lama2 kampunan kita.....

betul gaman..terbaru hati sya cukup terhiris tinguk satu sumandak kita cukup cun lah urang cakap..tapi boifren nya urang nigru..

Nampak gaya, kta laki2 ada patriotisme tp diurg berhaluan kiri pula...diurg ingat jejaka2 momogun tdk macho ka?

dulu masa sia sikul, sia ada ramai kawan parampuan yg sun melesun tp aduinaaaaa..... inda tau kanapa selira diurang pigi sama bansa lain..... kami gigit lida sjlah.....

Ya.. di skul sia dulupun ada bgtu..nasib baik pljr skolah itu 70% rungus, mlayu 5 dan sina 25...kalu sama banyak..banyak jg yg pg mggatal sama bansa lain tu. Dan dari dulu jglah org laki2 kita ini agak bagus pngamatan ttg soal kawin kumawin ini...tdk ada 1 urgpun dr kami llaki yg ada girlpren bansa lain. Wanita...hiasan dunia...butullah ini sakapan...

hihihihihiiiii kalou ada parampuan basa, nah malanting sdh tu......

Kadang tu kita rasa masam gerigitan butul tinguk. saya macam keliru..dia urang ni menunjuk2 kah atau minta puji..?

itulah tu, sampai itu lalaki2 bansa lain sanyum2 sj sama kita pasal parampuan kita mau sama diurang, sama kita pula inda mau..... bikin garam juga....