Suba kunun2 kamu kasi tau

hihihihihiiiii sia buka tupiklah dulu..... bah siapa2 yg antara kita2 yg sdh punting babarapa hari atau minggu, bulan, taun..... suba2 kunun kita kasi tau kanapa..... bukan apa, satakat pembuka serita bah.....

Nnaahh...siapa yg suda punting atau mangkir itu kasi taulah....apa sabab kunun...bagadu ka sama bini gara2 borporum ka atau apa2 la...hua hua...

atau hangus komputer gara2 24jam beporum, indada karaja lain, hihihihihiiiii......

Bahaya itu kalau samapi tarabakar itu kompiutor...lg lama mgkir...terpaksa tggu itu rm10 dr Be eNd...hua..hua...

nt barapa kali itu rm10 baru dpt kasi bagus komputer, inda sukup tu..... tp indapa, pigi dingar saramah di banyak tampat.....

dangar saramah bulih kana bagi duit jugakah?kalau bogitu,bagus juga.tapi,bulum ada lagi yang mungkir ini datang balik,mungkir salamanyakah diurang sigu samua itu?atau diurang jumpa forum lain yang baaanyak sumandak?

kalou pigi dingar saramah pulitik, kana bg duit tu..... tp time eleksenlah..... ya, arap2 yg sigu2 tu dpt juin kita bila buka sikul.

saya biasalah bah gaman, ada urusan2 yg membuatkan saya terpaksa menutup semua pancaindera dalam sesuatu masa yg tertentu..

aduinaaaa..... masam dlm butul arti tu gaman.....

ada kaitan sama bidang saya bah gaman. susah mo kasih tarang sini. nanti urg cakap utak saya sinting pula.

sinting? tp sia tingu, masam sakapan urang2 bagus sdh sakapan kaoni gaman..... tinggal sia saturanglah ni yg gurangak.....

Ko 2 brbual2 disini pulak rupanya ahh...ba..ba..teruskan..

saya punting sini porum sebab sibuk bah ha ha ha

pukutarap wrote:

sinting? tp sia tingu, masam sakapan urang2 bagus sdh sakapan kaoni gaman..... tinggal sia saturanglah ni yg gurangak.....

lain serita gaman..masam takut pula saya tinguk ko punya pangkat ini. merah menyala2 macam api..kalau lah boleh buatkan saya satu macam tu..

hihihihihiiiiii itulah pandapatan sia saturang sini lama2, masam tua sdh sia ni..... inda bah, ada ari tu, sakali sia masuk porum, aduinaaaaa ada sdh manyala2.....

masam sia inda lama mugkin punting sia babarapa hari..... kasi tau awal2lah....

kalu saya kan inda pandai punting sini forum..suma masa jarang ngam taiming sama kamurang...saya suka masuk forum bila2 masa saya ada paluang..sikijap2 saja ma... kabanyakan saya tingu kamu boforum tangah malam...waktu saya kogoruk..hahaha...

hihihhiiiiii butul tobpinai, biasa diurang tanga mlm, tp masam sia ni yg suti sapanjang taun, mana2 sia ada pree, nah sia masuklah tu..... kadang2 time tunggu susu, drpd diam2 bagus basa2 idea2 kamu.....

sanggih ponoreh gata sakarang pukutarap,sambil tunggu susu gata pun bulih online lagi..ntah bilalah saya dapat habuan gata saya itu.baru mau basar,itu tambang suda kotop.saya bawa bakakuk mau tunggu tapi itu tambang masam ada turupung saya ada saaaana monunggu.

Jgn timbak ba meck...kasi jarat dia...kalau dpt sadap tu...patutlah dia buli jd jeneral...di bawah puku gatapun buli on lne...tdk kana susu gata ka kompiutonya? Jgn2 panjat puku timadangpun dia bawa juga kompiuto?

barangkali si tompinai ptarap ni ponurih moden bah... sulap dia di kabunpun ada lotirik... burudband sanang gia bawa mana-mana.. tu pasal dia bulih online di kabun ..hahaha...

tidak rusak bah itu kompiuto,tiada suda lubang siiiikit pun itu susu gata masuk sabab samu lubang suda kana tutup pakai sakarap yang borfungsi sabagai gasket dia.pintar bah kan si pukutarap...

Sia brudband juga ini. Ini yg sia susa ati, 17hb sia balik kg..lotirik ada tp line tiada kosuali pigi sana bukit. Klu masa itu sia tdk login, jgn sari2lah ah...sia suda kasi tau ini.

itulah bah yang saya risau ini,kalau bulih,janganlah bah lama-lama tidak onlain rungkud.saya abis bulan ini pun arap sama cc lagi.mau harap ini kompiuto,pehh...masam saya buat kabajikkan di rumah.bukan juga luki,suma....malas sudalah minta tagih bayaran patak-patak bil intonit.