aduinaaaaa kalou sia ada kerita basar yg bumper dia karas, sia langgar sj itu sapi2, bikin maradang butul, inda lari lg tu masam tau2 sj kita inda barani langgar..... atau sia pakat2 bawa kawang2 pakai luri, limpas sana banyak sapi tanga malam, tangkap yg sapi kisil2 kasi masuk luri, buat pusas.....

Ya..tuan jeneral, jln kb ni mimang banyak sapi, nasib baik ada jln baru suda, kuranglah sikit maslahnya. Kalu ko tangkap itu anak sapi buat pusas, mangamuk nanti itu bayau2 sama pagari di sana tu.. hihiii

sapi mimang masalah ba di kb... kalau awal pagi jalan, kereta kita macam jadi pembuka jalan pula, terpaksa langgar sana sini dulu tu taie sapi.. indada sadangan dorang mo improve ka tu aaa?

yg inda siok, kalou kao tepijak itu taie sapi, buli dingar lagi itu bunyi taie tarabang waloupun betutup seremin kerita..... inda tau apa majlis kb buat..... antah2 sibuk sj diurang pigi tamu.....

dalam undang-undang penterkanan semua haiwan ternak mesti di pagar dalam piawai yang sudah di tetapkan.

Kalau haiwan ternak di biarkan jalan di jalanraya terutamanya jalanraya besar @ utama dan terlanggar kereta orang maka mintalah ganti rugi kepada pemilik haiwan ternak tersebut.

Kesalahan2 penternak jika lembu di langgar di jalan raya utama:

- Lembu tidak bayar road tax dan kereta bayar road tax-minta ganti rugi sama pemilik sapi
- Lembu di ternak tapi tidak ikut undang2 penternakan-> saman sama dia
- Penternak sapi yang membiarkan sapi-sapinya tersebut memang tidak beretika-

Di atas kertas dan undang2 mimang kena macam ini. Macam di Smnanjung...kalu ada lembu kena langgar, tdk ada yang akan akun lembu tu dia punya sb kalu akun kena ganti dan kena saman lagi. Kes di KB, lain sama sekali..kalo ko trlanggar sapi...sedialah ganti itu sapi, kalu tdk berkemungkinan ada masalah besar sb pemiliknya mungkin akan menyerang dan mencederakan anda. Jadi ini undang2 istimewa KB. Persoalannya: Kerjaan tdk boleh buat apa2 ka?

tp apa yg saya dengar, jika ada ternakan dilanggar di kb, bagus cabut lari sb besar kemungkinan dipukul pula... betulkah tu?

hehee..itu yg enda bagus tue.

Bagus info ni tompinai mantad silo kudat. Apa pun selalunya undang2 adlah yg teratas sekali dan tiada siapa (selalunya) boleh mengatasinya. jadi apbila berhadapan dgn situasi seperti ini lain kali, jgn takut. buka mulut dan keluarkan aura2 bersandarkan undang2..nah kesadjukan lah nanti ulang2 kb tu.

itulah masalah sapi dengan taiknya di kb.patut kana kurung baitu tapi taulah urang kb ini,paling koboi daerah seluruh sabah.kalau ada sosiapa yang paranah pigi kb,suba tingu-tingu korita-korita lama yang barkaliaran sana,tiada rudtek bah,banyak lagi itu.lagi satu pasal sapi ini,ada juga baiknya terutama sekali supaya pongguna jalanraya tidak mamandu tarlalu laju dan disababkan itu juga,kuta bulud jarang ada kamalangan yang molibatkan pamanduan yang barbahaya.

di keningau pun masalah begini juga, banyak lembu di jalanraya, tahi2 tu jgn cakaplah, memang lumayan.